Mendoni se po i merrni Netflix-it më të mirën e mundshme?
Me siguri jo.
Ka disa “hile” që mund të provoni për t’i shijuar në maksimum shfaqjet tuaja të preferuara. Hidhini një sy, sepse fakti që kaloni shumë kohë duke parë filma e dokumentarë, nuk iu bën mjeshtër të Netflix-it.
Shikoni filma me miqtë
Me siguri iu ndodh shpesh të lini plane me miqtë për të parë një film por nuk kordinoheni dot. Shkarkoni zgjatimin Showgoers Chrome që t’i shihni në sinkron filmat tuaj të preferuar pa qenë nevoja të takoheni.
Menu sekrete
E dinit që ka një menu sekrete plot me kategori që mund t’i përdorni për të gjetur më shumë filma dhe seriale? Gjithçka që duhet të bëni është copy paste i një kodi korrespondent në fund të këtij url: Netflix.com/browse/genre/###
Si t’i gjeni
Mund ta shikoni listën e plotë të kategorive të fshehta duke vizituar këtë uebsajt:
http://ogres-crypt.com/public/NetFlix-Streaming-Genres2.html
Kujdesuni që ta shkruani njësoj siç është paraqitur më lart. Nga këtu do të keni akses në qindra kode të lidhura me zhanre të ndryshme për të shuar etjen tuaj për filma.
Për shembull:
Tani kopjoni kodin në krah të linku i dhënë më sipër dhe shijoni shfaqjet e reja!
Shikoni filma pa konsumuar internet
Nuk keni pse të shqetësoheni që po harxhoni shumë internet. Netflix i lejon përdoruesit të shkarkojnë episode ose filma që më pas t’i shihni offline. Mjafton të shtypni shigjetën për poshtë që ndodhet krah titullit të filmit apo serialit.
Shmangni ndërprerjen e vazhdueshme
Gjëja më irrituese që ndodh kur ulesh të shohësh një film është ndërprerja e vazhdueshme që vjen si pasojë e linjës jo të mirë të internetit apo ngarkesës në rrjet. Nëse nuk doni ta shihni më qarkun që rrotullohet e rrotullohet pafundësisht, provoni këtë:
Mbani shtypur butonat ctrl+shift+Option/Alt+S deri sa të shihni një tabelë të vogël të bardhë. Do ulë pak cilësinë por do të shihni pa ndërprerje.
Po përdorni Netflix-in e ish të dashurit/ës?
Nëse po, ma merr mendja nuk doni që ai/ajo ta marrë vesh. E vetmja gjë që duhet të bëni për ta shmangur është fshirja e historisë. Shkoni te Settings> Your Account> Viewing Activity që të dilni pa lënë gjurmë.
Netflix roulette
Nuk dini çfarë të zgjidhni? Jeni me miqtë dhe nuk bini dot dakort për të njëjtin film? Provoni ruletën Netflix. Vizitoni uebsajtin më poshtë:
reelgood.com/roulette/netflix
Gjeni seriale të ngjashme me atë që jeni duke parë
Nëse klikoni te detajet e një episodi apo filmi që po shihni, do vini re një kolonë që thotë “This show is…” (Kjo shfaqje është…). Klikoni te përshkrimi dhe do iu shfaqet një pafundësi përmbajtjeje e ngjashme me atë që po shihni./ Përgatiti: Elena Lika
