Ambasadorja amerikane në Shqipëri, Yuri Kim ka uruar mëngjesin e sotëm 8, Dhjetorin Ditën e Rinisë.
Përmes një postimi në “Twitter” ajo shkruan se sot, ne nderojmë studentët e guximshëm që 31 vjet më parë protestuan pa frikë kundër një prej regjimeve më mizore të Evropës, duke kërkuar fundin e komunizmit dhe fillimin e një epokë të re lirie, pluralizmin.
Ndër të tjera, Kim shprehet se Shqipëria duhet të vazhdojë të punojë së bashku me SHBA për të ecur përpara jo prapa, të zgjedhë të ardhmen në vend të së shkuarës.
“Sot, ne nderojmë studentët e guximshëm që 31 vjet më parë protestuan pa frikë kundër një prej regjimeve më mizore të Evropës, duke kërkuar fundin e komunizmit dhe fillimin enjë epokë të re lirie, pluralizmi, një ekonomie tregu, lirinë e fesë dhe lirinë e fjalës.
SHBA është ende me studentët e Shqipërisë në kërkesën për të qenë “si pjesa tjetër e Europës”. Jemi krenarë që jemi aleati dhe mbështetja juaj në NATO dhe në BE. Ne duam të jemi më të drejtë, më të fortë, më të pasur. Le të vazhdojmë të punojmë së bashku për të ecur përpara jo prapa, të zgjedhim të ardhmen në vend te së shkuarës”-shkruan Kim.
