Tërmeti me magnitudë 6.3 me epiqendër në Kroaci është ndjerë edhe në Slloveni. Në një video të publikuar në rrjetet sociale shfaqet momenti kur lëkundjet ndërpresin punimet në sallën e parlamentit Slloven, ku po mbahej një seancë live në ato momente.
Siç shihet edhe nga pamjet deputetët po vazhdojnë seancën normalisht për disa momente. Kur lëkundjet nisin të bëhen të fuqishme, deputeti në foltore ndërpret fjalën dhe bashkë me disa të tjerë dalin me nxitim nga salla.
Lëkundjet e tërmetit ishin aq të fuqishme saqë u ndjenë edhe në vende të tjera si Bosnjë- Hercegovinë, Serbi dhe Mal të Zi./Opinion.al
