Zgjedhjet e 25 Prillit do të angazhojnë 7500 efektivë të policisë, të cilët në të gjithë vendin do të kujdesen për mbarëvajtjen e procesit. Sipas informacioneve të bëra publike në media efektivët do të jenë të vendosur pranë qendrave të votimit, ndërsa njëkohësisht është hartuar edhe një plan masash, për të ndërhyrë në çdo situatë që mund të cenojë procesin zgjedhor, në rast se kjo ndërhyrje kërkojet nga KQZ apo qendrat e votimit.
Mësohet se policia do të ketë një regjistër ku do të shënohen veprat penale në fushën zgjedhore.
KQZ ka kërkuar nga policia që në zgjedhje të mos përfshihen punonjës me më pak se 4 muaj përvojë. Po ashtu nuk do përfshihen as forcat komando dhe efektivët e policisë kriminale, si edhe nuk do të lejohen grumbullimet e qytetarëve deri në 150 metër pranë qendrave të votimit.
Nga ana tjetër prej të hënës policia e shtetit do të kalojë në gatishmëri, për të mbajtur nën vëzhgim çdo element kriminal dhe për të garantuar sigurinë publike./Opinion.al
