Aktualitet

74-vjeçarja vdes 10 orë pasi bëri vaksinën kineze, flet mjekja e familjes


Bëhu pjesë e Grupit Zyrtar të Opinion.al
>> KËTU <<
               Publikuar në : 20:12 - 01/04/21 |
Opi Nion

Mjekja e familjes Kamela Musa në qendrën shëndetësore të lagjes “17 Korriku” në Berat ka folur në lidhje me vdekjen e 74 vjeçares Donika Babunja.

E moshuara humbi jetën 10 orë pasi kishte bërë vaksinën kineze anti-COVID, “Sinovaks”. Bëhet me dihe se rreth orës 11:00 të paradites, ajo së bashku me bashkëshortin Kujtimin shkuan të merrnin dozën e parë në pallatin e kulturës së Beratit. Në orën 16:00, Donika shfaqi shqetësime shëndetësore.

Pas njoftimit, mjekja Musa i vendos një serum dhe i kërkon bashkëshortit ta kontaktojë për cdo shqetësim. Gjendja e saj filloi të rëndohej. Ai sërish kërkoi ndihmën mjekes Musa dhe lajmëroi urgjencën në numrin 127, por kur mbërritën në banesë, 74 vjeçarja kishte ndërruar jetë.

74-vjeçarja vuante nga hipertensioni prej 16 vitesh e cila pasqyrohet kartelën mjekësore. Thotë se ishte e rregullt në marrjen e medikamenteve dhe se nuk vuante nga asnjë sëmundje tjetër. Ndërkohë, bashkëshorti nuk ka lejuar autopsinë e cila do të zbardhte shkakun e vdekjes.

“Vuante nga hipertensioni prej 2006, gati 15-16 vite, mjekohej në mënyrë të rregullt dhe ka qenë e stabilizuar nga tensioni. Vinin të dy bashkë me burrin për të marrë terapinë duke mos shfaqur asnjë problem. Unë e gjeta pa frymëmarrje, pa puls. Duke qenë se e gjeta të vdekur ngula këmbë në mënyrë shumë me të shoqin që të dërgohej në morg për t’u përcaktuar diagnoza, pasi nuk vendosja dot diagnozë, por burri refuzoi në mënyrë kategorike autopsinë. U gjenda e detyruar ti merrja një deklaratë që refuzon autopsinë, pasi e kisha të pamundur ti gjeja një shkak” tha mjekja./Opinion.al

Pas