Italia vijon të regjistrojë shifra në rritje të rasteve dhe viktimave me Covid.
Sipas Emergjencave Civili, nga 72 mijë testime të kryera në 24 orët e fundit, 947 persona të tjerë kanë rezultuar pozitivë me Covid-19, shifër që për herë të fundit ishte regjistruar më 14 maj.
Ndërkohë numri i vdekjeve është shtuar me 9 persona.
Ministria e Shëndetësisë bën me dije se është rikthyer sërish shqetësimi në rajonin e Lombardisë, e cila vetëm gjatë ditës së fundit regjistroi 174 raste të reja, pas saj vjen Lazio me 137 dhe Veneto me 116./Opinion.al
