Mijëra irakienë marshuan në ceremoninë mortore të gjeneralit Qasem Soleimani, e cila u zhvillua në Bagdad shoqëruar nga thirrjet “Vdekje Amerikës”.
Një makinë që mbante arkivolin e Soleimanit, me një tufë lulesh në kapuç, kaloi ngadalë mes turmës, ku nuk mungonin as zyrtarët më të lartë irakian, mes tyre edhe kryeministri Adel AbdelMahdi. Kjo ceremoni shënon nisjen e 3 ditëve të zisë në homazh të Soleimanit, i cili ishte komandanti i forcave elitë të Iranit.
Trupat e gjeneralit dhe zyrtarëve të tjerë iranianë që u vranë do të kthehen në atdhe mbrëmjen e së shtunës dhe do të varrosen të martën.
Kujtojmë se presidenti amerikan, Donald Trump urdhëroi një sulm ajror në aeroportin e Bagdadit, nga ku mbeti i vrarë Gjenerali i Gardës Revolucionare të Iranit, Qassem Soleimani, si dhe Abu Mahdi al-Muhandis, shefi i policisë së Iranit. Sulmi u krye në orët e para të ditës së premte kur Soleimani sapo kishte mbërritur në Bagdad pas një fluturimi nga Siria, kur katër predha me precizion të lartë goditën dy makinat ku ndodheshin ai dhe eskorta e tij.
Presidenti amerikan Donald Trump tha se ushtria amerikane kishte vrarë terroristin numër një në botë, Qasem Soleimani, jo për të nisur luftën por për ta ndalur atë. Nga ana tjetër, Irani është zotuar për hakmarrje të ashpër ndaj Shteteve të Bashkuara./Opinion.al
