Një 20-vjeçar, ka rënë në prangat e Policisë së Tiranës, pasi dyshohet se është autor i 7 rasteve të vjedhjeve të monopatinave në kryeqytet.
Bëhet fjalë për E. G., 20 vjeç, banues në Tiranë. Sipas policisë, i riu në bashkëpunim me shokun e tij 16-vjeçar gjatë 2 muajve të fundit, kanë vjedhur 7 monopatina, në zona të ndryshme të Tiranës. Për 16-vjeçarin ka nisur procedimi penal.
Ndërkaq gjatë operacionit janë sekuestruar 2 monopatina të dyshuara të vjedhura.
Vijon puna për zbardhjen e vjedhjeve të tjera që mund të jenë kryer nga dy të rinjtë. Materialet procedurale i kaluan Prokurorisë, për veprime të mëtejshme./Opinion.al
