Ka shumë gjëra për të cilat organet tona gjenitale duhet adhuruar: prej tyre lindin fëmijët, dhurojnë kënaqësi, por ka edhe disa të tjera të bezdisshme. Nëse mendoni se jeni e vetmja që keni shqetësime, gaboheni. Këto janë shqetësimet më të zakonshme që u vijnë femrave nga vagina e tyre:
Djersitja
Djersitja përkeqësohet në muajt e verës dhe sidomos nëse merrni antidepresantë. Ky mjekim njihet si një nga shkaktarët e djersitjes jo vetëm në organet gjenitale por në të gjithë trupin. Disa nga gjërat që mund të bëni për ta reduktuar është pudra (por me kursim sepse ka hipoteza që shkakton kancer te vezoret), mbathjet e pambukut, peceta ditore higjiene (edhe kjo ka një kleçkë pasi i thithin lagështirën por e izolojnë po në atë zonë), dhe streçet e çiklistëve!
Aroma
Shpesh gjatë muajve të verës vagina fillon të mbajë aromë të pakëndshme. Duhet thënë se kjo nuk është aspak normale. Nëse vagina juaj ka aromë të pakëndshme jo do të thotë që ka luhatje të nivelit të pH dhe duhet të kontrolloheni te mjeku për të marrë mjekim. Ky fenomen ndodh shpesh gjatë verës për faktin se fundet dhe pantallonat e shkurtra nuk funksionojnë si barrierë nga mikrobeve që gjendet në karrike apo vende të tjera ku ulemi.
Kuifet
Ndoshta nuk e dinit si quhen, por me siguri i përjetoni. Kuifet janë gazrat vaginal dhe janë një nga gjërat më irrituese për femrat. Pse? Sepse vijnë pa paralajmërim dhe nuk ke absolutisht asnjë kontroll.
Thatësira
Duket si një problem që prek vetëm moshat e mëdha por prek edhe vajzat në të 20-at. Shpesh është e sikletshme pasi i bën meshkujt të mendojnë që nuk janë të eksituara nga ata, por në fakt mund të dëshirosh shumë të kryesh marrëdhënie seksuale me dikë dhe vagina të jetë “në gjumë”.
Shumë “lagështirë”
Ka thatësirë, por ka edhe lagështirë. Shumë femra duhet të ndërrojnë të brendshmet disa herë në ditë pasi vagina e tyre “eksitohet” përpara trurit.
Hemorragji e madhe gjatë periodave
Periodat nuk janë njësoj për të gjitha vajzat. Disa kanë fatin e keq t’i kenë periodat “lumë”. Një bezdi e madhe kjo sidomos në ditë udhëtimesh, lëvizje dhe pune të ngarkuar.
Infeksionet urinare
Megjithëse nuk u ndodh të gjithave, një pjese të mirë të femrave u ndodh të preken nga infeksionet urinare sa herë që kryejnë marrëdhënie dhe nuk urinojnë menjëherë pas./Opinion.al
