144 kilogramë kanabis dhe një armë gjahu pa leje janë sekuestruar nga policia në një banesë në fshatin Kalivaç të Memaliajt. Droga është gjetur e futur në 11 thashë plastmasi brenda 2 fuçive plastike në banesën e një gruaje 69-vjeçare me inicialet D. B.
Në njoftimin e policisë thuhet se nga kontrolli në shtëpinë e të moshuarës u gjetën 11 thasë plasmasi, 2 fuçi plastike me lëndë të dyshuar narkotike kanabis sativa, me peshë totale 144 kilogramë dhe një armë gjahu pa leje.
Policia ka nisur procedimin penal në gjendje të lirë, për arsye shëndetësore, për pronaren e shtëpisë ndërsa dosja i ka kaluar Prokurorisë së Gjirokastrës për veprime të tjera.
