65 persona kanë mbetur të vdekur, kur një tren pasagjerësh u përfshi nga zjarri në Pakistanin qendror.
Ministri i Shëndetësisë së Pakistanit Yasmin Rashid u shpreh se në këtë incident mbetën të plagosur 40 persona.
Sipas autoriteve zjarri ka shpërthyer pasi disa nga pasagjerët ishin duke përgatitur mëngjesin në stufat e gazit që i kishin sjellë në bord të trenit duke shkelur rregullat.
Trupat e ushtrisë, si dhe mjekët janë dërguar gjithashtu për të ndihmuar ekipet e shpëtimit në operacion.
Rrjeti hekurudhor i Pakistanit është në gjendje të keqe për shkak të investimeve të pakta dhe mirëmbajtjes së dobët.
Nuk është hera e parë që ndodhin aksidente të tilla hekurudhore në Pakistan. Në muajin korrik njëmbëdhjetë njerëz u vranë në një aksident hekurudhor, dhe katër të tjerë në muajin shtator.
