Kjo javë në emisionin “Opinion” është dominuar nga temat e aktualitetit.
Të hënë në mbrëmje në emision u fol për sigurinë e konsumatorit: “A hamë ushqime të sigurta”, ishte pyetja që u ngrit për panelin e ftuar në studio. Sa i përket audiencës mesatare të këtij emisioni ishte 27.1% dhe audienca maksimale 35.5%.
Mbrëmjen e së martës në “Opinion” u diskutua për problematikat e arsimit në Shqipëri: “A po dështon arsimi në Shqipëri”, ishte pyetja që u ngrit në panelin me pedagogë dhe specialistë të fushës nga drejtuesi i emisionit Blendi Fevziu. Audienca mesatare në këtë emision ishte 22.7% dhe ajo maksimale 34.1% duke shënuar kështu emisionin “Opinion” më pak të ndjekur gjatë kësaj jave.
Mbrëmjen e së mërkurës (28 shkurt 2018) në emisionin ‘Opinion’ u fol për operacionin antidrogë “Dëbora e Fundit” dhe kapjen 613 kg kokainë. Vlera e drogës së kapur në këtë operacion arrin në 180 milionë euro dhe ishte sasia më e madhe e sekuestruar jo vetëm në vendin tonë por edhe në Europë. Audienca mesatare në këtë emision ishte 35.9% dhe audienca maksimale 47.7%; ky ishte edhe emisioni më i ndjekur i javës.
Të enjte në emisionin “Opinion” u fol për negociatat me Greqinë, marrëveshjen e detit dhe në pjesën e dytë u transmetua një kronikë e plotë për familjen e Biçaku nga Lushnja, e cila u soll si rast disa muaj më parë në ‘Opinion’ . Familja që jetonte në kushte ekstreme tashmë është ftutur në shtëpinë e saj të re, sepse fal kontributeve të mbledhura në ‘Opinion’ është ndërtuar jo vetëm shtëpia e familjes Biçaku por edhe e tre familjeve të tjera. Edhe pse audienca disa mua më parë kur u denoncua ky rast sipas të dhënave nuk ishte ndër me të lartat, sensibilizimi ishte aq i madh sa mbrëmjen e transmetimit janë grumbulluar rreth 15 mijë euro, si dhe kontribute të tjera në formën e të mirave materiale. Në ‘Opinion’ këtë të enjte u transmetua dhe lista e gjatë e kontribuuesve. Audienca mesatare e këtij emisioni ishte 29% dhe audienca maksimale arriti në 41.5%, më e lartë nga ajo e herës së kaluar, kur u transmetua rasti i familjes.
Duke ju referuar këtyre të dhënave, emisioni më i ndjekur ishte ai i ditës së mërkurë, ku u fol për kapjen e 613 kg kokainë, ndërsa emisioni më pak i ndjekur ishte ai i ditës së hënë ku u trajtua siguria ushqimore./G.Z-opinion.al
