Dështoi përsëri seanca për dhënien e pretencës ndaj Arbër Çekajt, pronarit të kompanisë “Arbi Garden”, në kontejnerët e së cilës u gjetën 613 kilogramë kokainë.
Arsyeja e shtyrjes ishte mungesa e avokatëve në seancë për shkak të një problemi shëndetësor.
Pretenca u shty gjithashtu për dy të arrestuarit e tjerë në këtë proces Armando Pezaku, shoferi kamionit që çoi kontejnerët me banane nga porti në Maminas si dhe menaxheri i ‘Arbër Garden” Donaldo Lushaj.
Arbër Çekaj u ekstradua një muaj më parë nga Gjermania megjithëse ai u përpoq disa herë që mos të vinte në Shqipëri pasi pretendon se i rrezikohet jeta. Ai dyshohet si pronari i sasisë rekord të kokainës së kapur në kontejnerin me banane dhe koka e një grupi kriminal trafiku për lëndë narkotike.
Pak javë më parë ai fitoi gjykim të shkurtuar në procesin kundër tij. /Opinion.al
