Prokuroria e Krimeve të Rënda ka kërkuar 21 vite burg për biznesmenin Arbër Çekajn, administratori i Arbi Garden, i akuzuari për trafikimin e 613 kilogramëve.
Për shkak të gjykimit të shkurtuar dënimi do të ulet në 14 vite. Ndërkohë është kërkuar 10 vite e tetë muaj për Donaldo Lushajn si dhe 8 vite e 8 muaj për Armando Pezakun.
613 kokainë u bllokuan në portin e Durrësit shkurtin e vitit 2018, sasia e lëndës narkotike kishte ardhur nga Kolumbia. Trafikantët e kishin fshehur kokainë në një kontenierë me banane, të porositur nga kompanie e Çekajt.
Roli i të pandehurve- Sipas prokurorit të çështjes, Arbër Çekaj, pronari i kompanisë “Arbri Garden”, kishte si rol transportin e lëndës narkotike nga Kolumbia deri në Shqipëri, ndërsa dy të pandehurit ishin përzgjedhur prej tij për të marrë ngarkesën nga Durrësi, duke e dërguar në magazinën në Shijak ku dhe u kap nga policia.
Por avokati i shoferit Armando Pezaku dhe menaxherit të kompanisë Donald Lushaj, kane deklaruar në gjykatë se nuk kanë asnjë lidhje me ngarkesën e drogës, dhe për më tepër akuzojnë prokurorinë se e ndërpreu operacionin pa lenë që droga të shkonte në destinacionin final.
Ata kërkojnë prova që i lidhin të akuzuarit me njëri-tjetrin në formën e grupit te strukturuar.
Për këtë ngrkesë në pranga ranë menaxheri Donald Lushaj dhe Armando Pezaku, shoferi i kamionit që transportoi kontenierët me banane dhe kokainë drejt magazinave të “Arbri Garden” në Maminas, ku u zhvillua dhe operacioni i arrestimeve nga policia që zbuloi kokainën me vlerë 180 milionë euro./ Opinion.al
