Ka dështuar sërish seanca gjyqësore për Arbër Cekajn, Donaldo Lushaj dhe Armando Pezakun të arrestuar për 613 kg kokainë të gjetur në kontenierët me banane.
Shkak për mosçeljen e procesin është bërë mos pasja e një prokure origjinale nga avokati i Cekajt, Maks Haxhiaj. Ky i fundit u shpreh për mediat se në këtë gjykim do të ketë surpriza për emrin real të pronarit të drogës.
Rreth dy javë më parë Prokuroria e Krimeve të Rënda dërgoi për gjykim në Gjykatën e Krimeve të Rënda këtë dosje. Si të pandehur janë Arbër Çekaj, Armando Pezaku dhe Donaldo Lushaj. Akuzat që bien mbi ta janë ato të trafikimit ndërkombëtar të lëndëve narkotike në kuadër të grupit të strukturuar kriminal. Abër Çekaj është marrë si i pandehur në mungesë pasi ndodhet në Gjermani
Kujtojmë se në 28 Shkurt të 2018 në një konteiner me banane, të ardhur nga Kolumbia si porosi e kompanisë “Arbri Garden”, u gjetën në dyshemenë e dyfishtë të tij rreth 613 kg kokainë. Pronari i “Arbri Garden”, Arbër Çekaj, u shpall në kërkim pasi ishte larguar ndërkohë në drejtim të Gjermanisë. /Opinion.al
