Mbi 60,000 persona rezultojnë të zhdukur në Meksikë që prej vitit 2006 kur vendi ka nisur luftën kundër trafikut të drogës.
Numri është shumë më i lartë se vlerësimet e mëparshme ku kishte arritur në 40,000 persona të zhdukur.
Kartelet e drogës dhe grupet e krimit të organizuar janë autorët kryesorë të këtyre zhdukjeve, megjithatë edhe forcat e sigurisë fajësohen për vdekje dhe zhdukje.
Zyrtarët kanë bërë të ditur se rreth 53% e atyre që u zhdukën ishin rreth moshave 15 dhe 35 vjeç dhe 74% ishin burra,
“Këto janë të dhëna të tmerrshme dhe pas tyre ka histori dhimbjesh të mëdha për familjet”, -tha Karla Quintana, udhëheqëse e Komisionit Kombëtar të Kërkimeve.
Në vitin 2006, presidenti i atëhershëm i Meksikës, Felipe Calderon, ka nisur sulme mbi tregtinë e drogës.
Megjithatë tregtia e drogës ka vijuar edhe pas dy ndryshimeve në administratë. Sipas Quintanës vetëm gjatë vitit që lamë pas janë zhdukur më shumë se 5,000 persona./Opinion.al/
