Gjashtë të burgosur në burgun e Fushë-Krujës kanë rezultuar pozitiv me koronavirus. Burime për Abc news thonë se ata janë transferuar drejt burgut të Shënkollit në Lezhë.
Gjithashtu, mësohet se u është marrë tamponi edhe disa punonjësve dhe të dënuarve që dyshohet se kanë pasur kontakte me personat e infektuar.
Në burgun e Shënkollit është caktuar nga autoritetet një ambient i posaçëm për të dënuarit e prekur nga koronavirusi.
Sipas burimeve të burgosurit janë ankuar se në këto ambjente nuk ka kushte për trajtimin e COVID-19.
Pak ditë më parë aty janë karantinuar 6 të dënuar të infektuar nga burgu i Tepelenës./Opinion.al
