1. Bananet ju ndihmojnë të merrni frymë më lehtë
Gati 26 milionë amerikanë vuajnë nga astma dhe kjo është një sëmundje kronike në mesin e fëmijëve. Por parandalimi i astmës mund të bëhet shumë lehtë, thjesht duke ngrënë një banane në ditë.
Një studim në Kolegjin Imperial të Londrës zbuloi se fëmijët, të cilët kanë ngrënë të paktën një banane në ditë kanë përjetuar 34 për qind më pak marrje fryme në krahasim ata që hanin më pak se një banane në muaj. Nëse doni të parandaloni simptomat e astmës dhe të merrni frymë më mirë, hani banane.
2. Bananet ndihmojnë të kontrolloni sheqerin në gjak
Tensioni i lartë i gjakut është një vrasës i heshtur. Efektet e tij përfshijnë aneurizmin, ngushtimin e arterieve, sëmundje të zemrës, sëmundje të trurit, goditje dhe dështim të veshkave.
Një mënyrë për të ulur tensionin e gjakut është që të konsumoni më shumë kalium, një lëndë ushqyese që gjendet me bollëk në banane.
Një studim i vitit 2005 i kryer në Shkollën Mjekësore “St. George”, gjeti se citrati i kaliumit, lloji i kaliumit që gjendet në banane, është efektiv për uljen e presionit të gjakut. Në hapësirë prej vetëm disa javësh, pjesëmarrësit me tension të lartë, të cilët konsumuan kalium të mjaftueshëm përditë, patën ulje të presionit të gjakut në mënyrë të konsiderueshme.
3. Bananet ndihmojnë në kontrollin e oreksit
Bananet janë një burim i madh fibrash. Një banane mesatare përmban rreth 12 përqind të vlerave ditore të kaliumit. Një dietë e lartë në fibra ka përfitime të shumta. Sipas Klinikës “Mayo”, një banane ndihmon për të normalizuar lëvizjet e zorrëve, për të ulur nivelet e kolesterolit, kontrollon sheqerin në gjak, ruan shëndetin e zorrëve dhe ndihmon në arritjen e një peshe të shëndetshme.
“The Harvard School of Public Health” bën të ditur se fibrat zvogëlojnë rrezikun e sëmundjeve të zemrës, diabetit dhe sëmundjeve kardiovaskulare. Një nga efektet më interesante të fibrave është se ngadalësojnë tretjen, gjë e cila ju bën të ndiheni më të ngopur për më gjatë pasi të keni ngrënë. Ky mund të jetë një përfitim i madh për njerëzit që duan të zvogëlojnë kaloritë që marrin dhe të humbin në peshë.
4. Bananet mund të shmangin kancerin
Sipas Institutit Amerikan për Kërkime mbi kancerin, fibrat dietike ulin bindshëm rrezikun e kancerit kolorektal dhe vitamina C, që përmban banania ul rrezikun e kancerit të ezofagut. Frutat në përgjithësi ulin rrezikun për kancer të mushkërive, stomakut, gojës, faringut, laringut dhe të ezofagut.
5. Banania është një pije sportive në formë fruti
Një studim i kryer në Universitetin Shtetëror të Appalachian ka gjetur se nëse hahet një banane gjatë një stërvitjeje të gjatë ndihmon trupin me energji, ashtu si dhe pijet sportive.
“Ky lloj hulumtimi tregon se bananet mund të jenë burim i shëndetshëm karbohidratesh, para dhe pas ushtrimit, që do të mbështesin performancën sportive ashtu si dhe një pije sportive”.
6. Bananet ndërtojnë kocka të forta
Përmbajtja e lartë në kalium, i bën bananet një ushqim shumë të mirë për cilindo që kërkon të ndërtojë kocka të forta dhe të shëndetshme. Sipas Universitetit të “Maryland Medical Center”, duke rritur konsumin e ushqimeve të pasura me kalium mund të ndihmojë në parandalimin e osteoporozës.
Një studim i vitit 2008 zbuloi se një dietë e lartë në ushqime të pasura me kalium iu bën mirë kockave dhe i ruan më gjatë dhe më mirë ato. Bananet përmbajnë gjithashtu 16 përqind të vlerës së nevojshme të përditshme të manganit, një lëndë ushqyese që mund të ndihmojë në parandalimin e artritit dhe osteoporozës./Shije.al
