Aktualitet

6 nxënës të shkollës “Ismail Qemali” në mesin e viktimave në Bullgari


Bëhu pjesë e Grupit Zyrtar të Opinion.al
>> KËTU <<
               Publikuar në : 11:42 - 23/11/21 |
Opi Nion

Nga tragjedia, e cila ndodhi në Bullgari, kanë mbetur të vdekur edhe 6 nxënës të shkollës fillore “Ismail Qemali”, shkruan Alsat.

Ata ishin në udhëtim me familjarët e tyre.

Sipas informacioneve, ditën e sotme, shkolla fillore “Ismail Qemali” ka ndërprerë mësimin, për shkak të tragjedisë së rëndë.

Të paktën 45 persona humbën jetën pasi një autobus i Maqedonisë së Veriut u përfshi në flakë në një autostradë në Bullgari.

Ngjarja ndodhi rreth orës 02:00 me orën lokale, pranë fshatit Bosnek, në jug-perëndim të kryeqytetit Sofje. Shkaku i përplasjes dhe zjarrit po hetohet.

Kryekomisioneri Nikolaj Nikolov në një intervistë për mediat vendase është shprehur se dy janë shkaqet kryesore të tragjedisë me 45 viktima në Bullgari.

Një problem teknik ose gabim njerëzor i shoferit, këto janë dy pistat ku po hetojnë autoritetet bullgare./Opinion.al

Pas