Puna e një prindi nuk është e lehtë. Edukimi i fëmijës është i komplikuar dhe kërkon durim e bashkëpunim.
Ama ka disa gjërat që një nënë nuk duhet të bëjë për fëmijën e saj :
Mos e ndihmoni shumë
Kur një prind nuk e lejon fëmijën të bëjë gjërat vetë, ai nuk e ndihmon të rritet, por pengon zhvillimin e autonomisë së tij.
Mos e ndëshkoni për çdo gabim
Ndëshkimi i fëmijëve nuk është asgjë tjetër, veçse lojë pushteti, ku prindi tregon se është më i fuqishëm. Ndëshkimi shkakton frikë, pakënaqësi dhe armiqësi mes jush.
Të zgjidhni ju për të
Të vendosësh se çfarë është e mirë dhe çfarë jo për fëmijën e bën atë të ndihet i paaftë të shprehë veten. Lëreni të zbulojë interesat pa imponim.
Të flisni në emër të fëmijës
Nëse ndërhyni në bisedat e fëmijës dhe përgjigjeni ju për të, do ta vini fëmijën në siklet. Kjo e bën atë të frikësuar.
Të bëni krahasime
Asnjëherë mos i krahasoni fëmijët me motrat, vëllezërit, shokët. Përkundrazi, nxiteni fëmijën të zhvillojë talentet dhe dëshirat e tij, pavarësisht se mund të jenë të ndryshme nga kushdo tjetër.
T’i thoni gjithmonë po
Nëse e mbështesni fëmijën për gjithçka, sepse i druheni reagimit të tij, ju nuk po e edukoni siç duhet fëmijën. Që fëmija tëbëhet i përgjegjshëm, është e nevojshme që ta kufizoni për gjërat që nuk mund të bëjë.
