Një 57-vjeçar nga Levani i Fierit ka tentuar të vetëdigjet në ambientet e drejtorisë së Policisë së Fierit. Burri me iniciale M.S. ka hyrë në ambientet e Zyrës së Pritjes së Qytetarëve i kavën flakën vetes, pasi ishte lyer me benzinë.
Në një komunikatë për mediat, policia thotë se ka ndërhyrë me shpejtësi shefi i sektorit të SHCBA dhe personeli i zyrës së shërbimit duke bërë të mundur shuarjen e flakëve dhe shpëtimin e këtij personi.
Në shtator të 2016-ës, gruaja e 57 vjeçarit kishte denoncuar në polici se në 2014 i kanë marrë vajzën dhe po e shfrytëzojnë për prostitucion.
Dyshohet se veprimi i burrit ka qenë pikërisht në shenjë revolte ndaj policisë që nuk kishte gjetur ende autorët që morën vajzën e tij për shfrytëzim prostitucioni. Nga ana e saj, policia thotë se janë kryer veprimet proceduriale, por nuk jep të dhëna nëse ka rënë në gjurmët e vajzës së zhdukur dhe personave që e trafikuan.
*foto iluestruese
