Policia e Tiranës ka arrestuar një 50-vjeçar në Paskuqan, për veprën penale “Shkelja e rregullave të mbrojtjes në punë”.
Mësohet se ditën e djeshme, në kompaninë nënkontraktore në administrim prej tij, duke punuar ka rënë nga lartësia shtetasi S. B., i cili si pasojë e dëmtimeve të marra, ka humbur jetën në spital.
“Specialistet për Hetimin e Krimeve të Komisariatit të Policisë Nr. 1 arrestuan shtetasin Sh. B., 50 vjeç, banues në Paskuqan, për veprën penale “Shkelja e rregullave të mbrojtjes në punë”.
Ditën e djeshme, në kompaninë nënkontraktore në administrim prej tij, e cila mbulon punimet në një objekt te Kodra e Diellit, duke punuar ka rënë nga lartësia shtetasi S. B., i cili si pasojë e dëmtimeve të marra, ka humbur jetën në spital”, njofton policia./Opinion.al
