Shitja e biletave nëpër kinematë e Amerikës Veriore ka arkëtuar shumën më të vogël në 20 vitet e fundit, vetëm 55 milionë dollarë, nga e premtja deri të dielën, për shkak të koronavirusit.
Nisur nga kjo situatë dy nga kompanitë më të mëdha të industrisë së filmit në botë. “Walt Disney” dhe “Universal Pictures” kanë vendosur se do të ndalojnë publikimin për të dhënat e arkave filmike pasi nuk ia vlen.
“Për shkak të mbylljes së një numri të madh të kinemave, studioja ‘Disney’, përkohësisht do t’i ndalojë raportimet globale të arkëtimeve javore. Juve dhe familjeve tuaja iu urojmë shëndet dhe ju lutemi kujdesuni për veten,” thuhej në deklaratën për media të lëshuar nga “Disney”.
Pothuajse të njëjtën deklaratë ka bërë edhe “Universal Pictures”, duke shtuar se kjo është periudha më e keqe financiare që po kalon bota e kinematografisë në këto 20 vitet e fundit./Opinion.al
