Një ngjarje e pazakontë ka ndodhur ditën e sotme në një qendër shëndetësore në Vorë.
Policia njofton se 54-vjeçari me iniciale N.M. është arrestuar pasi ka goditur mjekun e qendrës me një send të fortë në kokë. Mësohet se 54-vjeçari ka shkuar në qendrën shëndetësore dhe i ka kërkuar mjekut të qendrës, një raport mjekësor për bashkëshorten e tij.
Pasi mjeku ka refuzuar të plotësojë raportin pa qenë e pranishme bashkëshortja,54-vjeçari dyshohet se e ka goditur mjekun, me një send të fortë në kokë.
Njoftimi i policisë:
Specialistët për Hetimin e Krimeve në Komisariatin e Policisë Nr. 7 arrestuan shtetasin N. M., 54 vjeç, banues në Marikaj, për veprën penale “Goditjet për shkak të detyrës”, parashikuar nga neni 237 i Kodit Penal.
Ky shtetas ka shkuar në një qendër shëndetësore dhe i ka kërkuar mjekut të qendrës, shtetasit E. B., një raport mjekësor për bashkëshorten e tij. Pasi mjeku ka refuzuar të plotësojë raportin pa qenë e pranishme bashkëshortja, shtetasi N. M. dyshohet se e ka goditur mjekun, me një send të fortë në kokë.
Materialet i kaluan Prokurorisë
