522 fëmijë shqiptarë të braktisur në kampe

TIRANE- Shqipëria është një prej vendeve jo vetëm me numrin më të madh të azilkërkuesve por edhe të minorenëve të pa shoqëruar nga prindërit që janë paraqitur për të kërkuar azil në disa shtete të Europës. Janë rreth 522 fëmijë shqiptarë që figurojnë në listat e gjashtë shteteve si kërkues të azilit. Të gjithë janë larguar nga vendi në 9 muajt e fundit dhe nga autoritetet është konstatuar se ata kanë qenë të pashoqëruar nga prindërit ose nga persona që mund të kenë kujdestarinë e tyre ligjore. Statistikat janë marrë nga zyrat e azilit në Britani, Holandë, Belgjikë, Gjermani, Finlandë dhe Norvegji, ku rezulton se në këto gjashtë shtete barrën kryesore e mbajnë Britania, Gjermania dhe Norvegjia. Kështu në Britani figurojnë rreth 200 minorenë shqiptarë që kanë aplikuar për azil, në Norvegji 154 persona dhe në Gjermani 136 . /tvklan/