Policia e Gjirokastrës ka arrestuar në flagrancë 51-vjeçarin, i cili duke drejtuar automjetin e tij në gjendje të dehur ka përplasur automjetin me drejtuese një 28-vjeçare.
Uniformat blu bëjnë me dije, se si pasojë e aksidentit mbeti e lënduar 28-vjeçarja dhe dy pasagjerë që ndodheshin në makinën e saj.
Ndërkoha policia njofton se ka vënë në pranga 51-vjeçarin me iniciale A. Gj.
“Policia e Gjirokastrës arrestoi në flagrancë 51-vjeçarin me iniciale A. Gj., pasi duke drejtuar automjetin, në gjendje të dehur, ka humbur kontrollin dhe automjeti është përplasur me automjetin me drejtuese M. L., 28 vjeçe.
Për pasojë janë dëmtuar lehtë 28-vjeçarja dhe 2 pasagjerë, të cilët ndodhen jashtë rrezikut për jetën”, thuhet në njoftimin e policisë.
Materialet procedurale u referuan në Prokurorinë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme./Opinion.al
