Nënkryetari i Partisë Demokratike, Edi Paloka, ka reaguar pas deklaratës së kryeministrit Edi Rama, i cili u shpreh sot në mbledhjen e dytë të Komitetit Kombëtar të Rindërtimit, se në terren janë 500 inxhinierë të cilët po merren me verifikimin e banesave, pas tërmetit tragjik të 26 nëntorit.
Përmes një postimi në rrjetet sociale, Paloka shkruan se kryeministri vuri në zbatim dhe rekomandimin e dytë të kreut të PD, Lulzim Basha. Ndërkohë, Paloka thekson se, Rama ka mbetur tek rekomandimi i tretë i Bashës, marrjen e 150 milionë eurove, që sipas Bashës, shteti ua ka dhënë oligarkëve.
Nënkryetari i Partisë Demokratike shprehet se rekomandimi i tretë i “dhemb” shumë Ramës dhe nuk mundet të lëshojë paratë për të ndihmuar qytetarët.
Reagimi
Ja dhe rekomandimin e dyte te Lulzim Bashes e vuri ne zbatim , 500 inxhinieret i paska gjetur per ti nxjerre ne terren.
Tani , nga tre pikat qe rekomandoi Basha ka mbetur vetem e treta ; 150 milion eurot qe ke parashikuar ne buxhet per 10 oligarke, kaloi per t’ju rikthyer jeten normale qindra mijera familjeve te demtuara e traumatizuara dhe pastaj mund te marresh gjithe “meritat” . Nje mbledhje “parlamenti” e ke, ju a heq oligarkeve dhe ja kalon shqiptareve qe kane mbetur rrugeve ne mes te dimrit. Ne fund te fundit parate qe ju ke grabitur po ju kthen…apo kjo pika e trete te dhemb shume? Te leshosh tek parate dhe pushteti per te lehtesuar sado pak jeten e shqiptareve, per ty eshte te kerkosh shume…?!/Opinion.al
