Kujtimet e saj edhe 17 vjet pas luftës janë ende të freskëta.
50-vjeçarja rrëfen maltretimet dhe tmerret që ka përjetuar gjatë luftës.
Dhimbja e saj sa vjen e shtohet, kur kujton se e ka të vrarë babën, burrin, dy fëmijë, një motër dhe hallën.
“Jemi përballua me paramilitar serb. Kanë qenë me maska. Jemi kanë 14 veta. Na ka ndodhë në Prishtinë. Ka pas shumë gra e vajza. Na kanë malltretuar. Na kanë thënë se s’kemi me bë më fëmijë shqiptar. Na kanë dhunua, na kanë marr me zor. Herë na mbanin për mbrojtje e herë na dhunonin. Të gjitha janë të prera me thika. Na vendosnin shpuzore në barkë duke na dhunuar. Nga 5-6 vetë. Sot dy veta prej atij grupi kanë vdekë”, rrëfen 50-vjeçarja.
Ajo thotë se e kanë ngritur zërin tek të gjitha institucionet. Për të gjithë ata që kanë përjetuar një tmerr të tillë, ajo u bën thirrje të mos heshtin.
Plagët e saj, përveç dhimbjes, ato tashmë janë bërë edhe kujtim për momentet e tmerrshme që i kishte përjetuar.
Për më shumë ndiqeni kronikën. /Gazeta Tribuna/
