Një 50-vjeçar është vënë në pranga në Dimal, pasi fshihte në banesë, një kallashnikov dhe municion luftarak.
Policia bën me dije se si rezultat i bashkëpunimit të ngushtë me qytetarët, është goditur ky rast i mbajtjes pa leje të armës së zjarrit.
50-vjeçari V. Sh. u kap në flagrancë dhe u vu në pranga në fshatin Potoduar, Dimal.
Gjatë kontrollit në banesën e 50-vjeçarit, Policia gjeti të fshehur një armë zjarri kallashnikov dhe municion luftarak, të cilat posedoheshin nga ky person, pa leje. Arma dhe fishekët u sekuestruan në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme./Opinion.al
