Ministria e Shëndetësisë njoftoi të shtunën, se në Shqipëri në 24 orët e fundit kanë humbur jetën 5 qytetarë, tre prej të cilëve në mosha të reja, përkatësisht 47, 53 dhe 57 vjeç.
“Pavarësisht përpjekjeve të mjekëve, fatkeqësisht në dy spitalet COVID, nuk e kanë fituar dot betejën me sëmundjen 5 pacientë, një 47 vjeçar nga Shkodra, një 53 vjeçare nga Fieri, një 57 vjeçar nga Lezha, një 78 vjeçar nga Kukësi , një 78 vjeçar nga Elbasani”, thuhet në njoftimin e ministrisë pa dhënë detaje nëse pacientët vuanin nga sëmundje bashkëshoqëruese. Numri i viktimave në vend ka arritur në 245 persona.
Gjatë 24 orëve të fundit në vendin tone u kryen 837 testime për vlerësimin e infektimit nga virusi SARS COV2, dhe 156 persona rezultuan pozitivë./Opinion.al
