Nga MJ Lee – CNN
Hillary Clinton dhe Donald Trump do të përballen për herë të parë në skenën e debatit të hënën në mbrëmje, në momentin më të madh e më të jashtëzakonshëm të garës presidenciale të 2016-ës.
Me sondazhet kombëtare që tregojnë një diferencë të ngushtë vetëm gjashtë javë nga dita e zgjedhjeve, lufta në universitetin e Hofstras ofron një nga shanset e fundit për të folur drejtpërdrejt me dhjetëra miliona zgjedhës që pritet të jenë sy e vesh këtë mbrëmje.
Për Clinton, një diskutuese veterane, një nga sfidat më të mëdha do të jetë të provokojë Trumpin dhe por të mos provokohet prej tij. Dhe për Trump, debati i tij i parë paraqet një test serioz të aftësisë së tij për të qëndruar gjakftohtë. Këtu janë pesë gjëra që duhen parë në debatin e së hënës mbrëma:
Cili Donald Trump do të shfaqet?
Gjatë garës brenda Republikaneve, ishte e pamundur të thuhej se cili Trump do të shfaqej në një debat.
Ndonjëherë ai është një Trump luftarak dhe armiqësor, i shpejtë për të hedhur grushta dhe që shkon pas kundërshtarëve të tij me sulme personale. Herë të tjera, kemi parë një Trump të ndrydhur, të përmbajtur që zhduket nga qendra e vëmendjes për periudha të gjata kohore dhe le konkurrentët e tij të komandojnë në skenë
“Ne jemi përgatitur për të gjithë “Trumpat” e ndryshëm që mund të shfaqen”, u tha zëdhënësja e Clinton, Jennifer Palmieri , gazetarëve javën e kaluar. “Ai mund të jetë agresiv, ose mund të rrijë i tërhequr, kjo është e vështirë për tu gjetur.”
Nëse ai nuk do të jetë në gjendje të qëndrojë i qetë dhe i fokusuar, do të ushqejë akuzat se atij i mungon temperamenti për të qenë president dhe potencialisht do të duket i vogël krah Clinton, e cila është e famshme për vetëpërmbajtjen.
A do të mundet Clinton ta marr parasysh këshillën e Obamas për “të qenë vetvetja?”
Askush nuk e kupton ankthin para debatit më mirë se presidenti Barack Obama, i cili u përball ashpër disa herë me kundërshtarin e tij të shumtë në zgjedhjet e vitit 2008.
Këshilla e Obamas për Clinton këtë të hënë? “Ji vetvetja dhe shpjego se çfarë të motivon”, ka thënë presidenti javën e kaluar. “Unë mendoj se ka një arsye pse ne nuk kemi pasur ndonjëherë një presidente grua, kështu që ajo duhet të thyejë disa pengesa. Ka një nivel të mosbesimit dhe një përshtypje që nuk përputhet aspak me Hillarin që unë njoh”
Deri më tani në këtë fushatë, Clinton është përpjekur të bëjë pikërisht këtë dhe të shfaqet e pëlqyeshme dhe e këndshme , në mënyrë të drejtë apo jo, kjo ka qenë një nga sfidat më të mëdha politike të saj.
Nuk ka dyshim se politika është pika e forte e Clintonit , ndihmës senatore dhe Sekretare Shteti, ajo shpesh përshkruhet si një tank që e njeh politikën brenda dhe jashtë. Ndërkohë që ajo marshon drejt debatit të parë politik, ajo do të preferojë që ta shmangë hyrjen si një “pedagoge e politikës” apo të një njeriu të vetëkënaqur, ashtu sic kritikët thonë se bëri Al Gore bëri në debatet e tij me George Ë. Bush.
Gjërat mund të bëhen vërtetë personale
Zgjedhjet e 2016-ës kanë ekspozuar tashmë një tërësi shumë të rëndë ofendimesh personale, por të hënën në mbrëmje ka shumë mundësi që kjo prirje të “zaptojë” skenën e debatit presidencial. Edhe para se debati të ishte afruar, të dyja fushatat kanë qenë plotësisht në pozicione sulmuese.
Fushata Clinton i ofroi Mark Cuban, miliarderit i cili ka qenë i pamëshirshëm në sulmet kundër Trump në korrik një vend në debat. Duke pasur Cuban në rreshtin e parë kampit Clinton po luan lojëra mendjeje duke shpresuar se do të shkëpusë vëmendjen e Trump dhe do ta nxjerrë jashtë loje.
Por në mënyrë “trumpiane”, kandidati republikan është përgjigjur gjatë fundjavës duke kërcënuar se do të sjellë Gennifer Floëers si mysafiren i tij në debat. Floëers është një ish-punonjëse e shtetit e cila ka pohuar se ka pasur një marrëdhënie intime shumë-vjeçare me Bill Clinton. Ish presidenti ka pranuar nga ana e tij se ka pasur disa takime intime me të.
Politika raciste
Nuk është se ka një mungesë të çështjeve kryesore si terrorizmi, Siria, ISIS-i, emigracioni, dhe në mesin e tyre ekonomia, por cështja e parë e përgjithshme në zgjedhje vjen mes zemërimit kombëtar të nxitur sërish nga vrasjet e policisë të njerëzve me ngjyrë.
Vdekjet e fundit, përkatësisht ajo e Keith Lamont Scott në Karolinën e Veriut dhe Terence Crutcher në Oklahoma kanë ndezur në mënyrë të freskët dhe të frikshme thirrjet për drejtësi dhe protestat u bënë më të dhunshme se kurrë. Me çështjen e forcave të policisë që veçanërisht godasin në drejtim të pakicave, politika e racës është e sigurt që do të jetë një temë diskutimi.
Të gjithë sytë do të jenë mbi Lester Holt
Askush që do të përballet me më shumë presion të hënën në mbrëmje se Hillary Clinton dhe Donald Trump , me përjashtim Lester Holt.
Gazetari i NBC,i konsideruar si një veteran i debateve , është gati të hyjë në një terren të panjohur si moderatori i përballjes se parë televizive Clinton-Trump
Ajo që Holt duhet të shmangë me çdo kusht është fati që së fundmi i ndodhi kolegun të tij të “NBC” Matt Lauer. Ai u akuzua për shkak të shkeljeve të shumta, duke përfshirë në mënyrë agresive ndërprerjen e Clinton, duke kaluar shumë kohë me polemikat e emailit, ai i bëri Trumpit pyetje relativisht te lehta dhe dështoi ta “kapte mat” kur ai tha se kishte kundërshtuar luftën në Irak.
Sot do jetë hera e parë që Holt do te prezantojë zgjedhjet e përgjithshme të debatit presidencial dhe rreth numri i ndjekëse pritet te arrijë deri në 100 milionë, por nuk ka asnjë konfirmim zyrtar se çfarë dinamika do të përbëjnë këtë ngjarje të jashtëzakonshme.
/Marrë nga Syri.net
