Ekspertët italianë të meteorologjisë thonë se vala e të nxehtit afrikan (e treta e kësaj vere) do të fuqizohet të dielën dhe do të jetë e jashtëzakonshme duke rrezikuar të thyejë disa rekorde historike, si ai i Romës.
Në qershor 2022, kryeqyteti regjistroi një shifër rekord prej 40,7°C dhe në vitin 2007 vlera ishte 40,5°C.
Këto vlera tashmë mund të mposhten të hënën më 17 korrik kur priten +41°C në hije, ndërsa të martën edhe +43°C. Por temperaturat do të regjistrojnë vlera të jashtëzakonshme për periudhën edhe në pjesën tjetër të Italisë, ku priten 44°C në Foggia, Agrigento, Oristano, 45°C në Sirakuzë dhe 39-40°C në Firence, Bolonja, Pavia, Padova, Mantua dhe rajonet e Adriatikut.
Megjithatë, temperatura më e lartë ndonjëherë pritet të regjistrohet në Sardenjë me 48°C gjatë ditës së martë, 18 Korrik. Zemra e nxehtë e anticiklonit afrikan Charon do të arrijë në ishull të dielën, ndërsa përshkallëzimi i temperaturave do të vazhdojë të paktën deri të mërkurën në datën 19 korrik./Opinion.al
