Një 46 vjeçar ka marrë peng kushërirën e tij 11 vjeçare në Xhafzotaj të Durrësit.
Ngjarja ka ndodhur këtë mëngjes, dhe pritet ende të saktësohet nga burimet zyrtare policore pasi të dhënat janë ende kontradiktore.
Bëhet fjalë për shtetasin Arben Kabashi i cili që në mëngjesin e sotëm ka mbyllur në banesën e tij të miturën, kushërirë të cilën e ka fqinjë.
Ai i ka kërkuar asaj të shohin problemin me internetin dhe ka përfituar ta mbyllë brenda, madje thuhet edhe se e ka kërcënuar me thikë atë.
Banorët thanë se policia ka shpërthyer derën për të nxjerrë të miturën jashtë. Por autori nuk dorëzohet, sepse ka frikë.
Kjo pasi në fshat ai njihet si person me të meta mendore.
46vjeçari rezulton i dënuar me 20 vjet burg në Itali për prostitucion.
Burri mësohet se ka pësuar tronditje pas kthimit nga Italia ku ka bërë burg dhe tani nuk është në gjendje të mirë mendore.
Fale nderhyrjes se shpejte dhe të specializuar të Policisë së Durrësit është bërë e mundur që e mitura të nxirret nga banesa e shtetasit Arben Kabashi dhe është dërguar në banesën e saj.
NJFOTIMI I POLICISË
Më datë 15.08.2016, rreth orës 07:00, në Kodër Rrashbull, shtetasi Arben Kabashi, 46 vjeç, ka kapercyer murin rrethues dhe eshte futur ne banesen e komshiut, ku ka marrë me forcë në banesën e tij vajzen e komshiut, shtetasen e mitur, Xh.K. 11 vjeçe.
Ne banese ndodheshin vetem tre vajzat pasi prinderit kishin ikur ne pune me heret.
Me të marrë njoftimin menjëherë më vendngjarje kanë shkuar. Efektivat e Policisë së Durrësit, të cilët kanë rrethimin e baneses.
Shtetasi i lartpermendur i cili vuan nga depresioni mbante ne dore nje thike dhe kercenonte se do te vriste vajzen.
Ndodhur ne keto kushte, ne pamundesi te faktorit kohe per te pritur forcat me te specializuara per te tilla nderhyrje, efektivat e Policise Durres duke pare qe po i kercenohej seriozisht jeta vajzes, me inisiateve dhe me profesionalizem kane nderhyre me shpejtesi ne disa drejtime duke i terhequr vemendjen agresorit.
Fale nderhyrjes se shpejte dhe të specializuar të Policisë së Durrësit është bërë e mundur që e mitura të nxirret nga banesa e shtetasit Arben Kabashi dhe është dërguar në banesën e saj.
Fatmirësisht vajza është në gjendje të mirë shëndetësore por e traumatizuar psikologjikisht ku policia menjehere i ka çuar nje psikologe. Ne banesen e agresorit ishte edhe nëna e tij, ku falë ndërhyrjes së specializuar është bërë e mundur nxjerrja e saj nga banesa. Vijojnë përpjekjet dhe negociatat e Policisë së Durrësit së bashku me grupin e negociatorëve të Reneas për dorëzimin e shtetasit A.Kabashi.
