Pasi shpenzoi më shumë se 40 mijë euro me kirurgjinë plastike, vendosi që të aplikojë një tjetër kurë për të “mashtruar” plakjen.
45-vjeçarja gjermane nga Mynihu, Manoush thotë se injekton çdo muaj në trupin e saj një bakter të quajtur Bacillus F.
Ky bakter është zbuluar në zonat e ftohta të Siberisë dhe sipas studiuesve, nga vëzhgimi i qelizave të tij është provuar se është një bakter 3.5 milionë vjeç dhe që nuk plaket kurrë.
E me shpresën që do të ketë të njëjtin efekt tek ajo, Manoush i është drejtuar shefit të Gjeokriologjisë së Universitetit Shtetëror të Moskës për t’i mundësuar injektimin e këtyre baktereve.
Vetë studiuesit rusë ishin vënë në kërkim të vullnetarëve për të testuar këtë bakter dhe dëshira e 45-vjeçares gjermane është mirëpritur.
Sa për efektet, Manoush thotë se qëkur ka nisur këtë “kurë” ndjehet më në formë dhe më shumë energjike, megjithëse studiuesit rusë thonë se do të duhet ende kohë dhe injektime të tjera për të parë rezultatin përfundimtar.
