Pavarsisht se me rritjen e temperaturave numri i personave të prekur nga fruthi ka rënë, mjekët vërejnë se fëmijët paraqiten ne spital në gjendje të rëndë. Në vetëm dy muaj e gjysmë për shkak të komplikacioneve të sëmundjes, në Qendrën Spitalore Universitare “Nënë Tereza” në Tiranë janë shtruar 44 fëmijë.
Mjekët vërejnë me shqetësim se prindërit i drejtohen mjekut vetëm kur gjendja e fëmijës është rënduar, teksa tregojnë se në gjendje më të rënduar shëndetësore janë paraqitur foshnjat nën 6 muaj të cilët ende nuk kane kryer vaksinën.
Mjekët këshillojnë prindërit të mos i ekspozojnë fëmijët në mjedise të populluara pasi sëmundja vijon të jetë në qarkullim, pavarësisht rënies së numrit të personave të prekur.
Mbi 1000 persona u prekën në vendin tonë nga fruthi, i cili u rikthye janarin e shkuar. Të prekur janë kryesisht fëmijë nën dy vjeç të pavaksinuar.
Ndërkohë kujtojmë se në dy muajt e parë të këtij viti nga fruthi kanë humbur jetën 2 fëmijë./Opinion.al
