Është arrestuar pas një viti në kërkim ish-efektivi i komisariatit nr 2 në Tiranë, i cili akuzohet “Prodhimi dhe shitja e narkotikëve”. Në vitin 2018, në makinën e ish-efektivit të identifikuar me inicialet S. O., 31 vjeç, u gjetën 421 kg kanabis.
Lidhur me këtë akuzë, Gjykata e Krujës ka caktuar masën e sigurisë “Arrest në burg”. Po ashtu, ndaj 31-vjeçarit është ngritur dhe një padi nga bashkëshortja e tij për dhunë fizike dhe psikologjike sistematike ndaj saj. Ndërkohë, gjatë kontrollit të banesës policia i gjeti një armë zjarri pistoletë me 7 fishekë.
Tashmë, mbi ish-efektivin rëndojnë akuzat “Dhuna në familje” dhe “Prodhimi dhe mbajtja pa leje e armëve luftarake dhe municionit”./ Opinion.al E.Xh.
