Një person ka thyer masën e arrestit të shtëpisë dhe ka përndjekur një grua e cila më pas e ka denoncuar në polici.
Ngjarja ka ndodhur në kryeqytet në zonën e Kombinatit.
Sipas burimeve zyrtare, nga specialistët për Hetimin e Krimit në Komisariatin e Policisë Nr. 6 u bë arrestimi në flagrancë i shtetasit V. N., 41 vjeç, pasi duke qenë me masë sigurie “Arrest në shtëpi” është larguar nga vendi i qëndrimit dhe ka përndjekur një 28-vjeçare.
Ka qenë e reja që ka denoncuar ngjarjen, teksa në dëshminë e saj thuhet se i ka krijuar asaj gjendje frike dhe pasigurie. Materialet procedurale i kaluan Prokurorisë pranë Gjykatës së Shkallës së Parë Tiranë./ Opinion.al
