Turistët që vizituan Vlorën këtë sezon veror nuk janë ndalur vetëm tek plazhet, por interes ka pasur edhe për historinë dhe trashëgiminë kulturore.
Monumentet dhe parqet arkeologjike kanë njohur rritje të vizitorëve vizitorësh vendas dhe të huaj.
“Vit pas viti, monumentet dhe sitet arkeologjike të Vlorës tërheqin gjithnjë e më shumë vizitorë. Sipas statistikave për këtë vit, numri i vizitorëve deri me 20 gusht është rritur rreth 40% më shumë, krahasuar me të njëjtën periudhë të vitit të kaluar”, thotë Orgest Feimi, drejtor i DRTK.
Më të vizituarat kanë qenë kalatë e Porto Palermos dhe të Kaninës, por edhe kalaja e Himarës, Manastiri i 40 Shenjtorëve, Parku Amantia, Parku i Orikut dhe ai i Finiqit.
Interes të shtuar kanë treguar vizitorët e huaj.
Në këto parqe ka pasur ndërhyrje për përmirësimin e infrastrukturës dhe shërbimeve në ndihmë të vizitorëve./ Tv Klan
