Përmbytje masive goditën bregdetin turk të Detit të Zi gjatë 24 orëve të fundit. Rrugët e qytetit Giresun veçanërisht në zonën Dereli ishin shndërruar në lumenj si pasojë e reshjeve të dendura të shiut.
Ministri i Brendshëm Süleyman Soylu tha se 4 qytetarë kanë humbur jetën si pasojë e përmbytjeve, ndërsa ekipit e shpëtimit janë në kërkim të 11 personave të tjerë.
Reshjet e dendura shkaktuan edhe rrëshkitje toke, si pasojë e së cilës u mbuluan katet e para të disa ndërtesave, ndërkohë që imazhet e publikuara tregojnë edhe automjete të mbetura nën baltë./Opinion.al
