Katër persona kanë rënë në prangat e policisë pas dy episodeve kriminale, pengmarrje dhe plagosje.
Mësohet se rreth një muaj më parë, 3 persona nga lagjja “11 Janari”, konkretisht 29-vjeçari E.K., 17-vjeçari A.K. dhe 16-vjeçari SH.P. kanë marrë peng 18-vjeçarin me iniciale R.B.
Ndërsa ditën e djeshme kushëriri i 18 vjeçarit, 25-vjeçari F.B është hakmarrë, duke tentuar të vrasë me thikë 17 vjeçarin e përfshirë në pengmarrje. Aktualisht A.K. është i plagosur rëndë në spital. Policia ka ndërhyrë duke arrestuar të gjithë personat e përfshirë në ngjarje.
