Një kamionçinë është përdorur nga 5 të dënuarit për tu arratisur nga burgu i Chanias në Greqi.
Mësohet se automjeti është gjetur nga policia greke, ndërsa shqiptarët dhe i burgosuri tjetër pakistanez e përdorën atë për tu larguar nga paraburgimi i komisariatit.
Bëhet e ditur se ata kanë arritur të sharrojnë me limë kangjellat e burgut dhe kanë mundur të dalin jashtë ambienteve të komisariatit.
Ata mbërritën në Chania mëngjesin e së shtunës për t’u transferuar në burgun e Chanias. Ndërsa në pritje të transferimit për në burgun rural, 4 shqiptarët dhe i dënuari tjetër mundën të finalizojnë arratisjen mëngjesin e të hënës.
Lista e të arratisurve:
- O.P. 43 vjeç, shtetas shqiptar nga Dropulli, i dënuar për “Pjesëmarrje në grup kriminal”, “Grabitje”, “Grabitje me pasojë vdekje”, “Vjedhje”, “Armëmbajtje pa leje”, “Përdorim armë”.
- Shqiptar 32 vjeç, i dënuara për “Grabitje”;
- Shqiptar 34 vjeç, i dënuar për “Trafik droge”;
- Shqiptar 29 vjeç, i dënuar për “Trafik droge”;
- Pakistanez 35 vjeç, i dënuar për “Vrasje”.
