Shkon në 28 numri i personave të prekur nga koronavirusi në Kosovë. Konfirmohen edhe 4 raste të reja, nga Ferizaj, Prishtina dhe Gjakova, pas 30 testeve të kryera së fundi, sipas një njoftimi nga Instituti Kombëtar i Shëndetësisë Publike.
“Nga katër rastet e konfirmuara, njëri është rast i importuar nga Gjermania, i gjinisë mashkull, 32 vjeç me vendbanim në Bibaj-Ferizaj. Ndërsa tre rastet tjera pozitive janë raste kontakti, 2 prej tyre janë me vendbanim në Prishtinë femra të moshës 50 dhe 29 vjeçare dhe e treta me vendbanim në Gjakovë e gjinisë femër, 40 vjeçare. Të gjitha kontaktet janë të identifikuara”, thuhet në njoftimin e Institutit Kombëtar të Shëndetësisë Publike
Nga data 08.02.2020 deri me 21.03.2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 447 mostra të dyshimta dhe në total 28 raste kanë rezultuar pozitive”. Qeveria e Kosovës ka miratuar 10 milionë euro për t’i bërë ballë virusit që është përhapur në shumicën e vendeve të botës./Opinion.al
