Eksperti i çështjeve të sigurisë Ilir Kulla tha se ushtria ruse dhe ajo ukrainase nuk i kanë zbritur në terren forcat reale ushtarake.
I ftuar në emisionin “Opinion” ai tha se deri më tani është bërë nxemja, por e cilësoi përrallë shifrën e 4 mijë ushtarëve rusë të vrarë.
“Këto janë përralla. Nëse ka 4 mijë ushtarë të vrarë do kishte edhe 4 mijë civilë. Konfliktet ne i njohim. Të dyja palët nuk i kanë zbritur forcat reale në terren”, tha Kulla.
Ai pohoi gjithashtu se qëllimi i Rusisë nuk është pushtimi i të gjithë Ukrainës, por ndarja e vendit dje vendosja e një qeverie që të mos jetë pro perëndimore.
“Synimi i rusisë është ndarja dhe vendosja e një qeverie në Ukrainë që të mos jetë pro perëndimore. Rusia nuk ka në plan ta pushtojnë të gjithë Ukrainën”, tha Kulla./Opinion.al
