Policia ka kryer kontrolle intensive nëpërmjet dronëve në Krujë për parandalimin e kultivimit të bimëve narkotike.
Sipas informacioneve zyrtare mësohet se kanë dalë në terren 50 forca blu dhe 4 dronë nga ajri në kuadër të operacionit policor antikanabis të koduar “Territor i pastër.
Unifomat blu bëjnë me dije se kanë identifikuar dhe shpallur në kërkim njërin prej autorëve, konkretisht shtetasit L. M., 35 vjeç, banues në fshatin Cudhi.
Ndërkohë policia ka asgjësuar 224 fidanë të kultivuar në kubikë.
“Kontrollet në kuadër të operacionit policor antikanabis të koduar “Territor i pastër”.
Në kontroll, 50 forca policore të Komisariatit të Policisë Krujë, forcat operacionale të DVP Durrës dhe 4 dronë.
Asgjësohen 224 fidanë të kultivuar në kubikë.
Identifikohet dhe shpallet në kërkim njëri nga autorët, vijon puna për identifikimin e autorit tjetër.
Ndërkohë, shërbimet e Policisë vijojnë ndjekjen në zonën e pyllëzuar, për kapjen dhe vënien e tyre në pranga.
Shërbimet e Policisë, nëpërmjet dronëve, kanë evidentuar në një zonë të pyllëzuar të njësisë administrative Cudhi, në territorin e pyllëzuar të fshatit Cudhi, 2 shtetas në tentativë për të hedhur në tokë, fidanët kanabis që kishin të kultivuar në kubikë.
Falë veprimeve të shpejta hetimore dhe informacioneve të marra, u bë i mundur identifikimi dhe shpallja në kërkim e njërit prej autorëve, konkretisht shtetasit L. M., 35 vjeç, banues në fshatin Cudhi”, tha policia./Opinion.al
