Teksa Ukraina ka hyrë në ditën e katërt të pushtimit rus, shumë qytetarë ukrainas janë larguar nga vendi drejt shteteve fqinjë.
Ata që largohen janë kryesisht fëmijë dhe gra dhe sipas një raportimi që bën BBC, numri i tyre arrin në më shumë se 200 mijë.
Autoritetet sllovake thanë se brenda 24 orëve deri në orën 06:00 GMT të shtunën, rreth 10,000 njerëz hynë në vend në tre kalimet e tyre me Ukrainën.
Më shumë se 43,000 ukrainas janë larguar drejt Rumanisë që nga pushtimi i Rusisë, ndërsa më shumë se 150,000 njerëz kanë hyrë në Poloni.
Ukraina është në kufi edhe me 4 shtete të tjera, si Hungaria dhe Moldavia, ku mendohet se mijëra civilë kanë kaluar kufirin, si edhe Bjellorusia dhe Rusia.
