Dini çdo gjë në mënyrë perfekte. Në atë orar 4 banka të nivelit të dytë do të transportonin një sasi të konsiderueshme valute drejt Austrisë. Fillimisht grabitësit të veshur me uniforma kamuflazhi kanë prerë derën në pjesën veriore të aeroportit, e cila shërben për hyrjen e zjarrfikësve.
Me një furgon të bardhë me mbishkrimin “Hetimi Tatimor” i janë afruar avionit. Kanë hyrë me shpejtësi deri në brendësi të pistës e më pas kanë hipur tek hangari i avionit dhe kanë marrë thasët me para.
E gjithë grabitja u pa nga pasagjerët brenda në avion, të cilët kanë kujtuar se po ndodh një stërvitje policore. Hyrja dhe dalja e grabitësve është fiksuar nga një kamer sigurie, ndërsa në foto të sigurua nga Opinion.al duket se si autorët kanë vënë nën kontroll rojet e sigurisë.
Policia e Shtetit thotë se ka patur shkëmbim zjarri mes Forcave të Ndërhyrjes së Shpejtë dhe grabitësve. Njëri prej 4 grabitësve ka mbetur i vrarë. Ai është rreth moshës 35 vjeç, por nuk është identifikuar ende. Personi i vrarë është me veshje speciale dhe antiplumb, që tregon edhe përgatitjen e personave që kryen grabitjen.
Në vendngjarje policia ka gjetur disa armë kallashnikov si dhe disa granata ofensive. Një tjetër furgon, thonë burimet policore, është gjetur i djegur në afërsi të Kamzës dhe besohet se është përdorur nga po të njëjtët grabitës si mjet largimi drejt Laçit ose Lezhës./Opinion.al
