4 anije të NATO-s mbërrijnë në Portin e Durrësit

4 anije të forcave luftarake detare të NATO-s, të cilat kanë mbërritur në Portin e Durrësit po zhvillojnë stërvitje të përbashkët me Forcat Detare vendase si dhe strukturën zjarrfikëse PMNZSH të portit detar më të madh në vend.
“TCG Enez” dhe “ITS Numana” ishin dy anijet të cilat mbërritën të parat, pjesë të flotave turke dhe italiane të angazhuara në operacionet e kërkim-çminimit të forcave aleate në Mesdhe dhe së fundmi edhe në ujërat territoriale vendase.
Është bashkuar edhe TCG YZB Gungar Durmus dhe HNLMS Makkum, dy luftë-anijet e flotës turke dhe holandeze, ekuipazhet e të cilave po asistojnë në stërvitjen e përbashkët në bordin e anijeve me strukturën PMNZSH të Portit të Durrësit dhe Forcën Detare Shqiptare me fokus operacionet e kontrollit dhe reagimit kundër zjarrit në anije.
Katër anijet luftarake, pjesë të forcave të reagimit të shpejtë të NATO-s do të qëndrojnë për disa ditë në brigjet shqiptare ku do të zhvillojnë edhe stërvitje të tjera me trupat tona detare në kuadër të angazhimeve të përbashkëta në misionet e forcave aleate në tokë dhe det./Opinion.al