Mbrëmjen e sotme në zonën e Saukut ka ndodhur një plagosje. Sipas njoftimit të policisë ka mbetur i plagosur 38-vjeçari Santi Xhaferi, i cili aktulisht ndodhet në spital duke marrë ndihmën e nevojshme, ndërkohë që është jashtë rrezikut për jetën.
Sipas policisë 38-vjeçari ka pësuar dëmtime kokë dhe në pjesën e këmbëve, ku fillimisht u dyshua se ishte plagosur me armë zjarri, por në fakt dëmtimet kanë ardhur si rezultat i mjeteve të forta.
Policia ka bërë të ditur se ngjarja ka ndodhur në afërsi të rrethrrotullimit të rrugës së Elbasanit në drejtim të Saukut, ku fillimisht 38-vejçari është transportuar me një automjet drejt Sanatoriumit në Sauk dhe më pas është kërkuar ndihma e ambulancës, e cila e ka transportuar për në spital.
Hetimet e para të bluve kanë përcaktuar se ngjarja ka ndodhur si pasojë e një konflikti me një shtetas tjetër.
Gjithashtu është bërë e ditur se prsonat që e kanë transportuar 38-vjeçarin drejt Sanatoriumit me makinë janë shoqëruar në ambientet e Komisariat të Policisë Nr 1 për sqarimin e rrethanave te ngjarjes./Opinion.al/
