Aktualitet

37-vjeçarja humbi jetën në aksident, fëmijët: Babi ku është mami?


Bëhu pjesë e Grupit Zyrtar të Opinion.al
>> KËTU <<
               Publikuar në : 16:29 - 26/07/21 |
Opi Nion

Histori dhe dhimbje njerëzore përjetohen pas aksidentit të rëndë që mori jetën e 10 qytetarëve të Kosovës, një ditë më parë në Kroaci. “ Para Spitalit të Përgjithshëm në Slavonski Brod të Kroacisë janë rreth tridhjetë persona, të gjithë anëtarët e familjes dhe të afërmit e viktimave të aksidentit me autobus në aksidentin që ndodhi dje në mëngjes.  Njerëzit kryesisht vinin nga Gjermania dhe Kosova”, shkruan Klan Kosova.

Mes familjarëve gjendet edhe  babai i 37-vjeçare Alinda I nga Peja, e cila humbi jetën ndërsa udhëtonte në autobus me bashkëshortin dhe 4 fëmijët, të moshës 14, 12, 9 dhe 7 vjeç. Fatmirësisht asnjëri prej tyre nuk ka pësuar lëndime.

“Kam punuar për 10 vjet në Rijekë dhe 30 vjet më parë shkova në Gjermani. Unë u ktheva në Kosovë, dhe fëmijët e mi, Alinda dhe dy djem të tjerë, qëndruan në Stuttgart. Ajo punoi atje si infermiere. Ata ishin duke menduar të shkojnë me aeroplan në Prishtinë, por ata përsëri vendosën të marrin autobusin, për ta pasë më të lirë për ta. Tragjedia është e madhe për ne”,ka treguar Arifit për Jutarnji List.

Ai pohoi se do ta varrosë vajzën e tij në Kosovë dhe se tani po priste që stafi i spitalit ta lejonte të merrte mbesat e tij.

“Dhëndri ishte me ta. Ata e pyetën: Babi, ku është mami?” tregon Arifi duke qarë.

“Plani është t’i çojmë në Kosovë dhe të kthehen në Gjermani pas varrimit”, përfundon ai./Opinion.al

Pas