Mëngjesi i 3 janarit ka shënuar tre viktima brenda pak orësh. Pas një aksidenti me pasojë vdekjen në Lezhë dhe një të moshuari që u përplas nga një makinë në Përmet, viktima e tretë e këtij fillimviti është një 37-vjeçar i vetvrarë me armë gjahu.
Ngjarja ka ndodhur në fshatin Selimaj të Tropojës, ndërsa policia njofton se 37-vjeçari është vetëplagosur brenda banesës së tij. Për fat të keq ai ka ndërruar jetë gjatë dërgimit për në spital.
Informacioni i policisë
Më datë 03.01.2021, në fshatin Selimaj, në banesë shtetasi A.M., 37 vjeç, është vetë plagosur me armë gjahu, ku gjatë transportimit në spital ka humbur jetën.
Grupi hetimor ndodhet në vendgjarje, ku vijon punën për zbardhjen e plotë të rrethanave të ngjarjes.
